Persovdnadieđuid gieđahallan

Mielenterveystalo.fi gieđahallá muhtin geavaheaddjiidis persovdnadieđuid. Dán siiddus gávnnat dieđuid persovdnadieđuid gieđahallamis.

Persovdnadieđuid gieđahallan riikkavuložii

Mielenterveystalo.fi ii čohkke, vurke dahje gieđahala rabas neahttasiiddu geavaheaddjiid persovdnadieđuid.

Virtuálaveahkki Milli vurke muhtin dieđuid ságastallamiin, mat leat čađahuvvon chatbotiin. Sáhtát oahpásmuvvat persovdnadieđuid gieđahallamii Millis čuovvovaš dokumeanttas.

Persovdnadieđuid gieđahallan ámmátolbmuide

Bálvalus čohkke Mielenterveystalo ámmátolbmuid oassái identitehtas duođašteaddji ámmátgeavaheaddji persovdnadieđuid (HAG-sisačálihanbálvalusa dovddaldat, sode-guovlu ja ámmátrolla) persovdnaregistarii.

Bálvalussii vurkejuvvojit dieđut, mat geavahuvvojit geavaheaddji dovdámii ja:

  • ámmátolbmuide oaivvilduvvon doaimmaid plánemii, ollašuhttimii, čuovvumii ja kvalitehtačuovvumii
  • dieđalaš dutkamušdoaimmaide

Geavaheaddjiid persovdnadieđuid gieđahaladettiinis HUS čuovvu diehtosuodjái laktáseaddji láhkaásaheami ja buori dieđuid gieđahallanvuogi.

Geavaheaddjis lea gustojeaddji diehtosuodjeláhkaásaheami mielde riekti dárkkistit alcces guoski persovdnadieđuid ja bivdit ovdamearkka dihtii njulget, dievasmahttit dahje sihkkut eret daid.

Bálvalusa administráhtor ordne bálvalusa diehtodorvvu almmolaččat dohkálaš vugiin ja beaktilit, ja figgá áššáigullevaš teknihkalaš čovdosiiguin eastit olggobeale oassebeliid beassamis diehtovuogádagaide. Bálvalusas geavahuvvon dovddaldatdieđut gaskkustuvvojit álo geavahemiin nana krypterema.

HUS HAG -bálvalusa diehtosuodji.

Mielenterveystalo ámmátolbmuid oassi -bálvalusa identitehta duođašteamis ávkkástallet HUS HAG -dovdánbálvalusa, mii gieđahallá geavaheaddjiidis persovdnadieđuid. Dieđut dán bálvalusa diehtosuojis ja persovdnadieđuid gieđahallamis gávdnojit čuovvovaš čujuhusas:

Diehtočoahkut ja prográmmat, mat geavahuvvojit siiddus

Diehtočoahkut

Mii lea diehtočoahkku?

Diehtočoahkku (cookie) lea unna teakstafiillas, mii vurkejuvvo geavaheaddji váldorusttegii. Diehtočoahkuiguin bálvalus doaibmá teknihkalaččat plánejuvvon vugiin. Dasa lassin diehtočoahkuid sáhttá geavahit siidduid geavahanlavtta ja geavahanvásáhusa buorideapmái ja gallededdjiid meari statistihkalaš čuovvumii. Vulobeale listui leat čállojuvvon diehtočoahkut, mat geavahuvvojit bálvalusas.

Mat diehtočoahkut bálvalusas geavahuvvojit?

Bálvalusas geavahit vealtameahttun doaimmalaš diehtočoahkuid, miellašupmediehtočoahkuid ja analytihkkadiehtočoahkuid.

Vealtameahttun diehtočoahkuiguin siidu sáhttá doaibmat. Vealtameahttun teknihkalaš diehtočoahkuide eai čohkkejuvvo eaige vurkejuvvo geavaheaddji individualiserejeaddji persovdnadieđut. Geavaheaddji sáhttá eastit diehtočoahkuid geavaheami neahttalogana válljemiid bokte. Siidduid geavaheapmi almmá diehtočoahkuid haga sáhttá goittotge váikkuhit siidduid doaibmamii.

Miellašupmediehtočoahkut fállet neahttasiidduide vejolašvuođa vurket dieđuid, maiguin sáhttet heivehit neahttasiiddu olgguldas oainnu dahje láhttema geavaheaddji mielde. Dása sáhttet gullat valuhta, guovllu, giela dahje ivdnetemá válljen. Miellašupmeevttohusa geavaheapmái bivdo geavaheaddjis lohpi siiddu diehtočoahkkobargoreaiddus, go boahtá siidui ja daid geavahusas sáhttá biehttalit.

Dasa lassin siiddus geavahit analytihkkadiehtočoahkuid siiddu geavahanlavtta ja geavaheaddjevásáhusa buorideapmái ja geavaheaddjiid meriid statistihkalaš čuovvumii. Maiddái analytihkkadiehtočoahkuid geavaheapmái bivdo geavaheaddjis sierra lohpi diehtočoahkkobargoreaiddus.

Geavaheaddji sáhttá nuppástuhttit diehtočoahkkoválljemiid goas beare Diehtočoahkkoválljemat-fálus.

Drupal

Drupal lea sisdoallohálddašanortnet, mainna mielenterveystalo.fi-neahttasiidu bajásdollo ja ovdanbukto geavaheaddjiide. Drupal ii vurke siiddu geavaheaddjiin makkárge persovdnadieđuid.

Matomo

Matomo lea prográmma, mainna čohkkejuvvojit dieđut mielenterveystalo.fi-siiddu geavahusas. Dainna čuvvot neahttasiiddu doaibmama ja siidogalledemiid (ee. bivnnuheamos sisdoalut, eanemus geavahuvvon neahttarusttegat ja neahttaoktavuođa bistináigi). Dieđut vurkejuvvojit geavaheami statistihkaid ráhkadeami ja bálvalusa ovddideami várás. Čohkkejuvvon dieđut, dego geavaheaddjiid IP-čujuhusat, leat anonymiserejuvvon iige dieđuin nappo sáhte dovdát dihto geavaheaddji iige IP-čujuhusa.

Matomoin maid čuvvot geavaheaddjiid sulalaš geográfalaš sajádaga anonymiserejuvvon IP-čujuhusaide vuođul. Dán dieđu vuođul čuvvot ee. siidduid geavahanmeriid iešguđet báikkiin Suomas.

Google Tag Manager

Google Tag Manager -bargoreaiddu geavahit Matomo ja siiddu kodaid hálddašeapmái. Google Tag Manager ii vurke makkárge dieđuid siiddu geavaheaddji birra, iige vurke geavaheaddji neahttarusttegii eará go siiddu teknihkalaš doaimmaide laktáseaddji dieđuid.

Lassidieđuid gávnnat dáppe.

Google Search Console

Google Search Console -bargoreaidduin čuvvot, makkár Google-ohcansániiguin geavaheaddjit bohtet neahttasiidui. Bargoreaidu ii vurke dieđuid siiddu geavaheaddjiid birra.