Persoonteâđai ǩiõttʼtõõllmõš

Mielenterveystalo.fi ǩiõttʼtââll kooi-ne õõʹnʼnjeez persoonteâđaid. Tän seeidast kaaunak teâđaid persoonteâđai ǩiõttʼtõõllmõõžžâst.

Persoonteâđai ǩiõttʼtõõllmõš meerliʹžže

Mielenterveystalo.fi ij noor, ruõkk leʹbe ǩiõttʼtõõl äävneʹttseiddõõzz õõʹnʼnji persoonteâđaid.

Virtuaalveäʹǩǩ Milli ruâkk koid-ne teâđaid chatboottin jiõllum saǥstõõllmõõžžin. Vuäitak tobdstõõttâd persoonteâđai ǩiõttʼtõõllmõʹšše Millist puõʹtti dokumeeʹntest.

Persoonteâđai ǩiõttʼtõõllmõš ämmatooumže

Kääzzkõs nåårr Mielenterveystalo ämmatoummui osiooʹje tobddeem ämmatõõʹni persoonteâđaid (HAG-ǩeeʹrjtõõttâmkääzzkõõzz tobddeem, soti-vuʹvdd da ämmatrool) persoonrekisteera.

Kääzzkõʹsse ruõkkâmvuâlaid teâđaid ââʹnet õõʹni tobdstummša di:

  • ämmatoummuid jurddum tåimmjummši plaanummša, teâuddjummša, vuåppmõʹšše da kvaliteʹttvuåppmõʹšše
  • tiõđlaž tuʹtǩǩeemtåimmjummša

Õõʹnʼnji persoonteâđaid ǩiõttʼtõõllâm poodd HUS jääʹǩǩat teâttsuõjju õhttneei lääʹjjšiõttummuž da pueʹr teâđǩiõttʼtõõllâmnääʹl.

Õõʹnʼnjest lij viõǥǥâst åårrai teâttsuõjjlääʹjjšiõtteem meâldlaž vuõiggâdvuõtt taʹrǩsted jiijjâs kuõskki persoonteâđaid da raukkâd ouddmiârkkân tõi vuõiǥeem, tiuddeem leʹbe jaukkeem.

Kääzzkõõzz âʹlnnõõʹnni jääʹrjast kääzzkõõzz teâttstaan takainalla priimmi naaʹlin da viõkkšânji, di ǩiččlââtt ääʹššmeâldlaž teeknlaž räʹtǩǩummšin coggâd ääʹššteeʹmi piâssmõõžž teâttriâžldõõǥǥeez. Kääzzkõõzzâst ǩiõttʼtõõllâmvuâla tobddeemteâđ vääʹltet pâi raavâs peiʹttvuõđ ââʹneeʹl.

HUS HAG - kääzzkõõzz teâttsuõjj

Miõltiõrvâsvuõttpõõrt ämmatoummui osio -kääzzkõõzz tobdma äuʹǩǩeet HUS HAG -tobddeemkääzzkõõzz, kååʹtt ǩiõttʼtââll õõʹnʼnjeez persoonteâđaid. Teâđ tän kääzzkõõzz teâttsuõjast da persoonteâđai ǩiõttʼtõõllmõõžžâst kaaunak tän addrõõzzâst:

Jeäʹvstõõzz da seeidast ââʹnnemvuâla prograamm

Jeäʹvstõõzz

Mii lij jeäʹvstõs?

Jeäʹvstõs (cookie) lij uuʹcces teʹkstt-teâttõs, kååʹtt ruõkkjââvv õõʹni väʹlddaparaʹtte. Jeäʹvstõõzzi veäkka kääzzkõs tåimm teeknlânji plaaneem naaʹlin. Lââʹssen jeäʹvstõõzzi teâđaid vueiʹtet ââʹnned seiddõõzz ââʹnnemõhttõõzz da ââʹnnemtoobdâlm pueʹrummša di jooʹttimeäʹri statistiikklaž seuʹrrjummša. Vueʹlnn liâ listtuum kääzzkõõzzâst ââʹnnemvuâla jeäʹvstõõzz.

Måkam jeäʹvstõõzzid kääzzkõõzzâst ââʹnet?

Kääzzkõõzzâst ââʹnet taarblaž tåimmamnallšem jeäʹvstõõzzid, miõlstõõvvâmeäʹvstõõzzid di analytikkjeäʹvstõõzzid.

Taarblaž jeäʹvstõõzz vueiʹtlvâʹstte seeid tåimmjummuž. Taarblaž teeknlaž jeäʹvstõõzzid jeäʹt noor jeäʹt-ǥa ruõkk õõʹni õhttlõõvvi persoonteâđaid. Õõʹnni vuäitt cõggâd jeäʹvstõõzzi ââʹnnem plaađnjes asetõõzzin. Seiddõõzz âânnmõš jeäʹvstõõzzitaa vuäitt kuuitâǥ vaaikted seeidai tåimmamnallšemvuõʹtte.

Miõlstõõvvâmjeäʹvstõõzz taʹrjjee neʹttseiddõʹsse vueiʹtlvažvuõđ ruõkkâd teâđaid, koin tuejjeed neʹttseeid ålggvueʹjj leʹbe jälstõõttmõõžž õõʹni mieʹldd. Tät vuäitt ââʹnned seʹst vaalšum valuutt, vuuʹd, ǩiõl leʹbe euʹnnteema ruõkkmõõžž. Miõlstõõvvâmjeäʹvstõõzzi ââʹnnma raaukât õõʹnnʼjest lååʹv seiddõõzz jeäʹvstõstuâjjkääuʹnest seiddõʹsse puäʹđeen da tõin lij vueiʹtlvaž ǩeâlddõõttâd.

Lââʹssen seiddõõzzâst ââʹnet analytikkjeäʹvstõõzzid seiddõõzz ââʹnnemõhttõõzz da ââʹnnemtoobdâlm pueʹrummša di jooʹttimeäʹri statistiikklaž seuʹrrjummša. Še analytikkjeäʹvstõõzzi ââʹnnma raaukât õõʹnnʼjest pååđlååʹpp jeäʹvstõstuâjjkääuʹnest.

Õõʹnni vuäitt muʹtted jeäʹvstõsasetõõzzeez kuäʹss täättas Jeäʹvstõsasetõõzz -vaʹljstõõǥǥâst.

Drupal

Drupal lij siiskõõzzvaaldšemriâžldõk, koin mielenterveystalo.fi -neʹttseiddõõzz âʹlnnââʹnet da čiõʹlǧǧeet õõʹnnʼjid. Drupal ij ruõkk seiddõõzz õõʹnnʼjin ni måkam persoonteâđaid.

Matomo

Matomo lij programm, koin noorât teâđaid mielenterveystalo.fi-seiddõõzz ââʹnnmest. Tõin seuʹrrjet tåimmjummuž di seiddǩiččmõõžžid (ouddm. miõllsummus siiskõõzz, jäänmõsân õnnum väʹlddaparaatt da išttmõõžž pešttmõš). Teâđaid noorât ââʹnnem statistikâʹsttem da kääzzkõõzz ooudâsviikkmõõžž vääras. Norrum teâtt, mâta õõʹnnʼji IP-addrõõzz, liâ anonymisõsttum di ij teâđain vueiʹt nääiʹt tobdsted tiõttum õõʹni di ij-ni IP-addrõõzz.

Matomoin seuʹrrjet še õõʹnnʼji teeivtem jânnamtiõđlaž sâjjõõzz anonymisõsttum IP-addrõõzzid vuâđđõõveeʹl. Tän teâđ vuâđald seuʹrrjet ouddm. seiddõõzz ââʹnnemtääʹzz jeeʹres beäʹlnn Lääʹddjânnam.

Google Tag Manager

Google Tag Manager -tuâjjkääuʹn ââʹnet Matomo da seiddõõzzâst ââʹnnemvuâlai koodd vaaldšummša. Google Tag Manager ij ruõkk ni måkam teâđaid jiõčč seiddõõzz õõʹnnʼjest, ij-ǥa ruõkk õõʹni väʹlddaparaʹtte jeeʹres ǥu seiddõõzz teeknlaž tååimaid õhttneei teâđaid.

Lââʹssteâđaid kaaunak tääiʹben.

Google Search Console

Google Search Console -tuâjjkaauʹnin seuʹrrjet, måkam Google-ooccâm-mašinaooccmõõžžin õõʹni puäʹtte neʹttseiddõʹsse. Tuâjjkäuʹnn ij ruõkk teâđaid seiddõõzz õõʹnnʼjin.