Persovntiäđui kieđâvuššâm

Mielenterveystalo.fi kieđâvuš motomij kevtteidis persovntiäđuid. Taan siijđost tun kaavnah tiäđu persovntiäđui kieđâvušmist.

Persovntiäđui kieđâvuššâm aalmugjesânân

Mielenterveystalo.fi ij nuurâ, vuorkkii tâi kieđâvuš ávus viermisiijđoi kevttei persovntiäđuid.

Virtuališedeijee Milli vyerkkee maidnii tiäđuid chatbottijn savâstâllum aašijn. Tun puávtáh uápásmuđ čuávuváá dokumentist toos, maht Milli kieđâvuš persovntiäđuid.

Persovntiäđui kieđâvuššâm áámmátlâžân

Palvâlus norá Mielenterveystalo áámmátlij uásádâhân tubdâttettee áámmátlâškevttee persovntiäđuid (HAG-čáládâttâmpalvâlus tobdonommâ, soti-kuávlu já áámmátroolâ) persovnregisterân.

Palvâlusân vyerkkejum tiäđuh kiävttojeh kevttee tubdâttâtmân sehe:

  • áámmátlijd uáivildum tooimâi vuáváámân, olášutmân, čuávumân já tääsikocemân
  • tieđâlii tutkâmtooimân

Kevttei persovntiäđuid kieđâvuštijnis HUS nuávdit tiätusuáján lohtâseijee laavâid já šiev tiäđukieđâvuššâmvyevi.

Kevttest lii vyeimist leijee tiätusyejilahâasâttem miäldásâš vuoigâdvuotâ tärhistiđ olssis kyeskee persovntiäđuid já táttuđ ovdâmerkkân toi vuoigim, tievâsmittem tâi sikkom.

Palvâlus paijeentuállee uárnee palvâlus tiätutorvo almolávt tuhhiittum vuovvijn já pehtilávt, sehe viggá ääšimiäldásij teknisij čuávdusijguin estiđ äšittes piäsu jieijâs tiätuvuáháduvâid. Palvâlusâst kieđâvuššum tobdotiäđuh sirdojeh ain kevttimáin kievrâs čiähukoodam.

HUS HAG -palvâlus tiätusyeji

Mielenterveystalo áámmátlij uásádâh -palvâlus tubdâttâtmist kiävttoo HUS HAG -tubdâttâttâmpalvâlus, mii kieđâvuš kevtteidis persovntiäđuid. Tiäđuid taan palvâlus tiätusyejeest já persovntiäđui kieđâvušmist tun kaavnah čuávuváá čujottâsâst:

Niästádâsah já siijđost kevttum ohjelmeh

Niästádâsah

Mii lii niästádâs?

Niästádâs (cookie) lii uccâ tekstâtiätuvuárkká, mii vyerkkejuvvoo kevttee mašinân. Niästádâsâiguin palvâlus tuáimá teknisávt vuávájum vuovvijn. Ton lasseen niästádâsâi tiäđuid puáhtá kevttiđ siijđoi kevttimloovtâ já kevttimvuáttámuš pyereedmân sehe kevtteemeerij statistiklii čuávumân. Vuoluubeln láá luvâttâllum palvâlusâst kevttum niästádâsah.

Magareh niästádâsah palvâlusâst kiävttojeh?

Palvâlusâst kiävttojeh velttimettumis toimâliih niästádâsah, mielâstumeniästádâsah sehe analytikniästádâsah.

Velttimettumis niästádâsah taheh máhđulâžžân siijđoi toimâm. Velttimettumis teknisijd niästádâssáid iä nurruu iäge vyerkkejuu persovntiäđuh, moiguin ulmuid puávtáččij iäruttâllâđ nubijnis. Kevttee puáhtá estiđ niästádâsâi kevttim jieijâs laađân asâttâsâin. Siijđoi kevttim niästádâsâittáá sáttá kuittâg vaiguttiđ siijđoi toimâlâšvuotân.

Mielâstumeniästádâsah fäälih viermisijđoid máhđulâšvuođâ vuorkkiđ tiäđuid, moiguin heiviittiđ viermisiijđo olgohäämi tâi lattim kevttee mield. Tot puáhtá anneeđ sistees väljejum vaaluut, kuávlu, kielâ tâi ivneteema vuorkkim. Mielâstumeniästádâsâi kevttimân táttoo kevttest lope siijđoi niästádâstyejipiergâsist, ko sun puátá siijđon, já tain puáhtá kiäldádâttâđ.

Ton lasseen siijđoin kiävttojeh analytikniästádâsah siijđoi kevttimloovtâ já kevttimvuáttámuš pyeredem várás sehe kevtteemeerij statistiklii čuávumân. Meid analytikniästádâsâi kevttimân táttoo kevttest sierânâs lope niästádâstyejipiergâsist.

Kevttee puáhtá mutteđ jieijâs niästádâsasâttâsâid kuás peri Niästádâsasâttâsah-valjiittuvâst.

Drupal

Drupal lii siskáldâshaldâšemvuáhádâh, moin mielenterveystalo.fi-viermisiijđoh paijeentuállojeh já čáittojeh kevtteid. Drupal ij vuorkkii siijđoi kevttein maiden persovntiäđuid.

Matomo

Matomo lii ohjelm, moin norroo tiätu mielenterveystalo.fi-siijđoi kevttimist. Tot čuávu viermisiijđoi toimâm sehe sijđokuásástâlmijd (il. pivnohumoseh siskáldâsah, enâmustáá kevttum kiäjusruustigeh já kevttimpuudâ kukkodâh). Tiäđuh norrojeh kevttimân kyeskee statistiktiäđui čokkim já palvâlus ovdedem várás. Nurrum tiäđuh, tego kevttei IP-čujottâsah, láá anonymisistum, já nuuvtpa tiäđuin ij pyevti tubdâđ tiätu kevttee ige IP-čujottâs.

Matomo čuávu meid kevttei almolii eennâmtieđâlii sajaduv anonymisistum IP-čujottâsâi vuáđuld. Taan tiäđu vuáđuld čuávvoo il. tot, et mon ennuv siijđoh kiävttojeh jieškođe-uv kuávlust Suomâst.

Google Tag Manager

Google Tag Manager -tyejipiergâs kiävttoo Matomo já siijđoin kevttum koodij haaldâšmân. Google Tag Manager ij vuorkkii kevttee mašinân muide ko siijđoi teknisijd toimáid lohtâseijee tiäđuid.

Lasetiäđuid tun kaavnah tääbbin.

Google Search Console

Google Search Console -tyejipiergâs čuávu, et magarij Google-uuccâmmaašinucâmijguin kevtteeh puátih viermisijđoid. Tyejipiergâs ij vuorkkii tiäđuid siijđoi kevttein.