Jiõččhåidd-programm
Clone of Tiõrv pueʹttmest loʹssesmiõllsažvuõđ jiõččhåidd-prograʹmme!
Nuõrid käunnai jiijjâs-i jiõččhåidd-programm loʹssesmiõllsažvuõʹtte (lääʹddǩiõʹlle).
Lij-a tät jiõččhåidd-programm muu vääras?
Loʹssesmiõllsažvuõđ jiõččhåiddprogramm suäpp pukid, ǩeäin liâ loʹssesmiõllsažvuõttoudldõõzz. Täk liâ ouddmiârkkân miõl luâšttmõš, peʹcclõsvuõtt, naaudšummuž mõõntõs, altteempââʹstʼteʹmesvuõtt, määiʹnteʹmes vieʹrrvuõđtobddi di jiõččnaʹddjõõzz leʹbe jiijjâsäärvouddmõõžž mõõntõs.
Tät jiõččhåiddprogramm lij lääiʹves da kõskkvaiggâd oudldõõzzi vääras. Tuʹst ij taarbâž leeʹd diagnoos.
Vuäitak ââʹnned loʹssesmiõllsažvuõđ jiõččhåidd-prograamm
- 24/7
- däääras
- tõt iʹlla ǩidd ââʹjjest
- nõõmteʹmmen da ǩeeʹrjtõõđǩani
- tõt iʹlla ǩidd tõʹst, lij-a tuʹnne uvddum diagnoos avi ij
- jiõččânji leʹbe jeeʹres hååid mieʹldd
- jeäʹleeʹl čõõđ prograamm leʹbe vaalšeeʹl tåʹlǩ tõid, kook sueʹppe jiõccsad pueʹrmõsân
Täävtõssân meeʹst lij, što teâđ da vieʹǩǩ liâ vuäǯǯamnalla pukid jåʹttlânji, vuällamlaaǥǥlânji da vueʹllǥaž kõddsin.
Programm nårrai puõʹtti vuõʹzzin
1. MÂʹST LIJ KÕÕČČMÕŠ?
Kõõjjõõzz veäkka vuäitak ärvvtõõllâd, måkam tääʹzzest loʹssesmiõllsažvuõtt lij.
Mättjak toobdsted oudldõõzzid di tõid šõddeei da âʹlnn õõʹni tuejjeeʹjid.
Äʹšštobddivideoin mainstet jeäʹrbi mieʹldd
- kuäʹss kõõččmõš lij loʹssesmiõllsažvuõđâst
- mâʹst loʹssesmiõllsažvuõtt vuäitt šõddâd
- jiijjâs hiâvtem jurddjin
- loʹssesmiõllsažvuõđâst puârrnõddmõõžžâst
Lââʹssen loʹssesmiõllsažvuõđ puõccâm oummu mainste videoin tõʹst, måkkmen loʹssesmiõllsažvuõtt tåbddai da mäʹhtt tõʹst vuäitt puârrnõddâd.
2. TUÂJJNEÄVV
Mättjak kuånstid, kooi veäkka lij vueiʹtlvaž vuäǯǯad loʹssesmiõllsažvuõđ oudldõõzzid pueʹrben jiijjad valdšma.
Harjjtõõzzi veäkka tuʹtǩǩääk jurddjääd da tåimmam-maallääd.
Vuäitak mättjed ouddmiârkkân
- ǩeâsttjâʹtted hääitlaž juurd- da tåimmamnaaʹlid
- vaaldšed jiijjad aarǥ da plaaneed tåimmjummšad pueʹrben
- luännʼjed
- kaunnâd miârktõõzz jieʹllmad
Tueʹjjääk še plaan tõn vääras, jõs puâccjak loʹssesmiõllsažvuõʹtte oʹđđest leʹbe tõt huânnʼnan.
Äʹšštobddi maainast videoin, mäʹhtt miõltiõrvâsvuõđ vuäitt nââneed aarǥâst da mäʹhtt loʹssesmiõllsažvuõđ jorrâz vuäitt pueʹtǩǩeed.
Lââʹssen loʹssesmiõllsažvuõđ puõcccâm oummu mainste siʹjjid vieʹǩǩtam harjjtõõzzin.
3. JEÄʹVVEZ JUÄTKKA
Ärvvtõõl kõõjjõõzz veäkka vueiʹttmõõžžad jiõččhåidd-prograamm mâŋŋa.
Vuäǯǯak lââʹssteâđaid tõʹst, mäʹhtt šiõǥǥ arggjieʹllem da mäʹhtt šiõǥǥ tääʹssteäddsaž jieʹllem vaaikte miõltiõrvâsvuõʹtte. Mättjak ââʹnned âʹlnn juʹn õsttmid puättmõõžžid.
Vuäǯǯak še teâđaid tõʹst, koʹst vuäitak taarbšeen kõõččâd vieʹǩǩ.
Puõʹtti videoin (1:34) kuulak tääʹrǩben jiõččhåidd-prograamm rajjsest. Vuäǯǯak še teâđaid tõʹst, mäʹhtt jiõččhåidd-prograamm harjjtõõzz da tuâǥǥteâtt vueiʹtte hiâlpted åårrmõõžžad.
Mii jiõččhåidd-programm lij?
- vuâđđââvv hååidast viõkkâšʼsen tuõttum da tuʹtǩǩuum tåimmamnaaʹlid
- nårrai kooumâst vueʹzzest
- âânn teâđaid da harjjtõõzzid, kook vieʹǩǩte aarǥâst da oudldõõzzi tuõʹllstõõllmõõžžâst
Tät lij še ämmat-tuâjjla tuâjjneävv
Tän vueiʹtet obbvuõttân leʹbe vuõʹzzi mieʹldd ââʹnned joouki leʹbe õhttu vueiʹnnlõõttmõõžži tuäʹrjjen.
Ämmat-tuâjjlaž vuäitt uʹvdded tueʹrj da ohjjeed harjjtõõzzi tuejjummšin. Jiõččhåidd-programm čõõđmõõnnmõõžž poodd vueiʹnnlõõđât täujja 1–3 vuâra. Tâʹl vueiʹtet ouddmiârkkân saǥstõõllâd harjjtõõzzi counnmõõžž jurddjin da smiõttâd, måkam harjjtõõzz liâ pueʹrmõsân suåppi.
Vuâmmaž!
Jõs toobdak, što oudldõõzz liâ tuõđâs, jeäʹl jårrââʹst raukkâd vieʹǩǩ!