Jiõččhåidd-programm
6. Mattu vuâsttaväʹldded jurddjid da tobddjid
Ihmisillä on usein käsitys, että oma ajatus tai tunne on vankkumaton tosiasia. Tuõttääʹššest juurd lij tåʹlǩ juurd da toobd lij tåʹlǩ toobd. Tõk mâʹnne rääj.
Jurddi da tobddi vaajtâʹlle
Viârteei jõrddmõš lââʹzzat hueʹnes miõl. Kuäʹss-ne tueʹlää sueiʹmkrest ǩiõččeen juʹrddep, što mij leäʹp samai mooččâd. Kuäʹss-ne âʹpet liâ nåkam jurddi, što mij leäʹp rååʹtt. Ij ni kuäbbaz leäkku veʹt tõn tuõttsab tuõttäʹšš, pâi tåʹlǩ rääj mõõnni juurd, koozz še mij miõl vaaikte.
Toobdsââʹj še vaajtâʹlle: kuäʹss-ne leäʹp peʹccla, kuäʹss-ne âʹpet rämmai. Ij ni mii leäkku põõšši.
Ǥu vuâmmšak laʹšttjem jiijjad koon-ne ääʹššest, piij tõn miõʹlle. Vääʹld lokku tåʹlǩ tõn. Vuäitak håʹt späʹssbõõššâd viggteeʹl miõlad täʹst viârteei jurddjest da ǩiččled čåuddõõttâd.
Jurddi da tobddi liâ viõkkâs, leša tõi mieʹldd ij leäkku päkk tåimmad. Uuʹd tõin pueʹtted ǥu miâr parru leʹbe ââʹlm põõlv. Nuuʹbb parru liâ šoorab, nuuʹbb uuʹccab. Nuuʹbb põõlv liikkee meälǥben, nuuʹbb âʹpet jåʹttlubun, leša pääiʹǩ ool tõk jiâ kuõđđu.
Harjjtõs: Muu jiijjan viârteei jurddjan
Täävtõs
Mättjak väʹldded lokku negatiivlaž jurddjid, ǩeeʹrjet tõid pââjas da čåuddõõttâd tõin. Fiʹttjak, što håʹt-i jurddi da tobddi liâ viõkkâs, ij tõi mieʹldd leäkku päkk tåimmad
Vuäppõs
Ǩeeʹrjet pââjas måkam viârteei jurddi tuʹst liâ jijstad leʹbe järrsin šõddâm.
Tuʹmme juõʹǩǩ pââjas ǩeeʹrjtem jurddi sââʹjest:
- Lij-a täʹst viârteei jurddjest äuʹǩǩ?
- Jõs iʹlla, vuäitam-a ǩiččled čåuddõõttâd tõʹst?