Jiõččhåidd-programm
JUURDHARJJTÕÕZZ
Jurddi vaaikte tõõzz, mâid tåbdd. Tobddi âʹpet ǩiuʹrrje tueʹjjeed mâid-ne. Tuâj peäʹlstes vaaikte jurddjid da tobddjid.
Lij šiõǥǥ mättjed aiccâd, mõõk täk jurddi da tobddi liâ.
Kuul, måkam jurddi liâ vieʹǩǩtam järrsid
Loʹssesmiõllsažvuõđ âʹlnn õõʹnni hääitlaž juurdmaallin lij vueiʹtlvaž mättõõllâd čåuddõõttâd.
Videost (2:52) loʹssesmiõllsažvuõđ puõccâm oummu mainste, mäʹhtt sij liâ oʹnnstam vaaikted jiijjâs juurdmaalleez da tõõiǥ puârrnõddâd loʹssesmiõllsažvuõđâst. Äukkai kuånst liâ leämmaž jeäʹrbi mieʹldd jiijjâs jurddji seännmõš da realistlaž jõrddmõš.
Vuäitak ǩiõččâd video ooudbeäʹlnn ǥu tueʹjjääk juurdharjjtõõzzid.
Muuʹšt
Mättjak aiccâd loʹssesmiõllsažvuõđad tuâǥǥast åårrai jurddjid da määinaid. Jeeʹresnallšem harjjtõõzzi veäkka piâzzak smiõttâd aaʹššid, kook liâ jiijjad jieʹllmest miârkteeinallšeeʹm.