Jieštipšomohjelm
JURDÂČČEMHÁRJUTTÂSAH
Jurduuh vaigutteh toos, maid tobdá. Tobdoh vist uálgutteh porgâđ maidnii. Tavoh vist vaigutteh jurduid já tobdoid.
Lii pyeri oppâđ tarkkuđ, et magareh toh jurduuh já tobdoh láá.
Kuulâ, magareh jurduuh láá išedâm iärásijd
Šlundevuođâ paijeentuállee háitulijn jurdâččemmaalijn lii máhđulâš máttááttâllâđ peessâđ iärun.
Videost (2:52) šlundevuođâ feerim ulmuuh muštâleh, et maht sij láá luhostum vaiguttiđ jieijâs jurdâččemmallijd já ton peht tuoibâđ šlundevuođâst. Ávháliih vyevih láá lamaš iärásij lasseen jieijâs jurdui tuhhiittem já realistlâš jurdâččem.
Tun puávtáh keččâđ video ovdil ko keččâlah jurdâččemhárjuttâsâid.
Mušte
Tun oopah aicâdiđ jurduid já suujâid, moh láá tuu jieijâd šlundevuođâ tuáváást. Jieškote-uvlágán hárjuttâsâi vievâst tun peesah meid smiettâđ aašijd, moh láá jieijâd elimist merhâšitteeh.